Hazrat Abu Huraira Radiallahu Anhu Nabi Karim Sallallahu Alaihi Wasallam Ka Ye Farmaan Naqal Farmaate Hain Jo Shakhs ALLAH Ki Raah Me'n (Kisi Bhi Cheez Ka) Joda Kharch Karega To Ye Jannat Me'n Pukaar Kar Kaha Jayega Ae ALLAH Ke Bande Ye Zyada Behtar Hai Jo Log Namaazi Honge Unhen Namaaz Wale Makhsoos Darwaaza Se Bulaaya Jayega.
Jo Log Jihaad Karne Waale Honge Unhe Jihaad Waale Darwaaza Se Bulaaya Jayega, Jo Log Sadqa Karne Waale Honge Unhe Sadqa Waale Darwaaza Se Bulaya Jayega, Jo Log Rozahdar Honge Unhe Baabe Rayyan Se Bulaaya Jayega. Hazrat Abu Bakar Ne Arz Ki Ya Rasool ALLAH Mere Maa Baap Aap Sallallahu Alaihi Wasallam Par Qurban Ho'n Kya Koi Aesa Shakhs Bhi Hoga Jise In Tamam Darwazo'n Se Bulaaya Jayega Nabi Akram Sallallahu Alaihi Wasallam Ne Farmaaya- Ji Haan Aur Mujhe Ye Ummeed Hai Ki Tum Unlogon Me'n Se Ek Hoge.
[ #Saheeh_Ibne_Hibaan Jild-8 Page-39 ]
Post a Comment