Zahe Izzat _o_ Aetla _e_ Mohammedﷺ,
Ke hai arshe haq zere paaye Mohammedﷺ.
Makaañ arsh unka falak farsh unka,
Malak khaadimaan _e_ saraa _e_ Mohammedﷺ.
Khuda ki raza chaahte haiñ do Aalam,
Khuda chaahta hai Raza _e_ Mohammedﷺ.
Mohammed baraa _e_ Janaab _e_ Ilahi,
Janaab _e_ Ilahi baraa _e_ Mohammedﷺ.
Dum _e_ Naz’a jaari ho meri zubaañ par,
Mohammed Mohammed Khuda _e_ Mohammedﷺ.
Asaa _e_ kaleem azdahaa _e_ gazab tha,
Giroñ ka sahara asaa _e_ Mohammedﷺ.
Maiñ Qurban kya pyari pyari hai nisbat,
Ye Aane Khuda wo Khuda _e_ Mohammedﷺ.
Khuda un ko kis pyaar se dekhta hai,
Jo Aankheiñ haiñ mehwe liqa _e_ Mohammedﷺ.
Ijabat ne jhuk kar gale se lagaya,
Badhi naaz se jab dua _e_ Mohammedﷺ.
Ijabat ka sehra Inayat ka joda,
Dulhan banke nikli dua _e_ Mohammedﷺ.
"RAZA" pul se ab wajd karte guzariye,
Kee hai rabbe sallim sadaa _e_ Mohammedﷺ.
✍️Kalaam Sayyadi Ala Hazrat imam Ahamad Raza Faazile Barelvi Alaihirramaturrizawan
___________________________________
🖌Post Credit - Shakir Ali Barelwi Razvi wa Ahliya Mohtarma
Post a Comment