Mas'ala:-
Pakhana, Peshab, Mani, Mazi (Wo Safed Patla Pani Jo Sohbat Ke Khayal Se Nikalta Hai Bahot Mamooli Miqdar Me), Aur Wadi (Wo Safed Pani Jo Peshab Ke Bad Nikalta Hai), Keeda, Hawa (Mard Ya aurat Ke Pichle Maqam Se Hawa Nikalna) Pathri Mard Ya Aurat Ke Aage Ya Piche Se Nikle Wazu Jata Rahega.
📖 {Bahare-E-Shariat Hissa-2, Page-303}
Mas'ala:-
Khoon Ya Peep Kahi Se Nikal Kar Baha Aur Beh Kar Jism Ke Us Hisse Par Pahuncha Jiska Wazu Ya Gusl Me Dhona Farz Hai To Wazu Jata Raha.
Khoon Ya Peep Sirf Chamka Aur Ubhra Magar Baha Nahi Aur Khilal Ya Miswak Ya Ungli Se Dant Manjhte WAQT Khoon ka Asar Paya Ya Naak Me Ungli Dali Uspe Khoon Ka Asar Malum Hua Magar Wo Behne ke Qabil Nahi To Wazu Na Toota.
📖 {Bahare-E-Shariat, Hissa-2, Page-304}
Mas'ala:-
Khoon Nikla Magar Beh Kar Aisi Jagah Nahi Aaya Jiska Dhona Farz Tha To Wazu Na Toota.
Jaise Aankh Me Dana Tha Aur Phoot Kar Ankh Me Hi Phail Gaya Bahar Nahi Aaya To Wazu Nahi Toota, KAAN Me Dana Tha Toot Kar Uska Pani Surakh Se Bahar Nahi Nikla To Wazu Baqi Raha.
📖 {Bahare-E-Shariat, Hissa-2, Page-305}
Mas'ala:-
Muh Se Khoon Nikla Agar Wo Thook Par Galib Tha Yani Khoon Ka Rang Garha Tha To Wazu Toota Agar Khoon Ka Rang Pheka Tha Aur Thook Ziyadah Tha To Nahi Toota.
📖 {Bahare-E-Shariat, Hissa-2, Page-305}
Mas'ala:-
Muh Bhar Ke Ulti Hona Ya Ulti Me Safra Ya Paani Ya Khana Hi Nikle Tab Bhi Wazu Toota, Walti Me Sirf Balgam Hi Nikla To Wazu Nahi Toota.
📖 {Bahare-E-Shariat, Hissa-2, Page-305}
Mas'ala:-
So Jane Se Wazu Tootata Hai, Oonghne Ya Baithe Baithe Jhonkne (Dhilki Marne) Se Wazu Nahi Tootata.
📖 {FATAWA RIZVIYAH, Jild-1, Page-367}
Mas'ala:-
Behoshi, Junoon, Gashi Aur Itna Nasha Karna Ki Chalne Me Paon Ladkhadaye Ye Sab Wazu Tod Deta Hai.
📖 {Durre Mukhtar, Jild-1, Page-299}
Mas'ala:-
GUTHNA Ya Satar Apna Ya Paraya Khulne Se Ya Use Dekhne Se Wazu Nahi TootaTa.
📖 {Fatawa Rizviyah, Jild-1, Page-319}
--------------------------------------------------------
📕 HAQ KI BANDAGI
Writer- Mufti Sufi Muhammad Kaleem Hanfi Razvi Noori Sahab Qibla
Post a Comment