📗 (Bukhari, Tirmizi Sharif)
Hadees:- Hazrat Abu Hurairah radi allahu taala anhu se riwayat hai ki Huzoor sallallahu alaihi wasallam ne irshad farmaya "rozah uska naam nahi kee khaane peene se baaz rehna ho, rozah to ye hai ki bekaar aur behooda baton se bacha jaaye.
📗(Haakim)
▫️Mas'ala-› Jhoot , geebat, chugli,gaali dena behooda baat kisi ko takleef dena kee ye cheezein waise bhi na jayez o haraam hai roze mein aur zyaada haraam aur inki wajah se roze me karahat aati hai.
▪️Mas'ala-› Rozhdar ko bila uzr kisi cheez ka chakhna ya chabana makrooh hai.
▫️Mas'ala-› Chakhne ke liye uzr ye hai kee maslan kisi aurat ka shouhar bad mijaaz hai ki namak kam wa jyaada hoga to naraaz hoga to iss wajah se chakhne mein harj nahi.
▪️Mas'ala-› Chakhne ka wo maana nahin kee jo aaj kal aam rivaaj hai yaani kisi cheez ka majah maloom karne ke liye usme se thoda kha lena kee yu to karahat kaisi rozah hi toot jayega, balki kaffara ke sharait paaye jaye to kaffara bhi lazim hoga.
▫️Mas'ala-› Chakhne se murad ye hai kee zubaan par rakhkar mazah maloom karle aur use thook de uss me se halaq mein kuch na jaana paaye warna rozah toot jayega.
▪️Mas'ala-› TV dekhna, cricket, badminton, mobile ya computer game, carrom, foot ball, volley ball, chess, hockey, tennis, card, ludo wagairah khelna aur dino mein bhi na jayez o gunaah hai ramzam sharif me aur sakht gunah aur isse rozah bhi makrooh hota hai.
▫️Mas'ala-› Gulaab ya itr wagirah sunghna daadhi, mooch mein tel lagana aur surma lagana makhrooh nahi.
▪️Mas'ala-› Roze mein miswaak karna makrooh nahi balki jaise aur dino mein sunnat hai roze me bhi sunnat hai.
▫️Mas'ala-› Roze me tooth paste,manjan, wagairah istemal makrooh hai aur agar ye cheezein halaq se neeche utar gayi to rozah toot jayega.
▪️Mas'ala-› Rozhdar ke liye kulli karne aur naak me paani charhaane me mubaalga karna makrooh hai.
Mubalaga karne ka matlab bhar munh pani le.
▫️Mas'ala-› Thandak pahuchaane ke liye kulli karna ya gusl karne makhrooh nahi.
▪️Mas'ala-› Munh me thook ikattha karke nigal jaana makhrooh hai.
📕»» Fazail wa Masaile Ramzaanul Mubarak
___________________________________
💟Credit- Hafeez O Qari Hazrat Dilshad Ahmed Qadri( Dilshade Millat Sahab Qibla) under supervision of Mufti Mehmoodul Ulama Mufti Mehmood Akhter Razvi Sahab Qibla.
Post a Comment