Huzoor ﷺ Jante Hain

Jo Ho Chuka Hai Jo Hoga, Huzoor ﷺ Jante Hain,
Teri Aata Se Khudaya, Huzoor ﷺ Jaante Hain.

Khuda Ko Dekha Nahin Aur Eik Maan Liya,
Ke e Jante The Sahaba, Huzoor ﷺ Jaante Hain.

Khabar Bhi Hai? Kee Khabar Sabki Hai Unhein Kab Se,
Kee Jab Na Ab Tha Na Kab Tha, Huzoor ﷺ Jaante Hain.

Hai Unke Haath Mein Kya-Kya Tujhe Khabar Na Mujhe,
Khuda Ne Kitna Nawaza, Huzoor ﷺ Jaante Hain.

Wo Mominoon Kee To Janon Se Bhi Kareeb Huye,
Kahan Se Kisane Pukara, Huzoor ﷺ Jaante Hain.

Isiliye To Sulaya Hai Apne Pehlu Mein,
Kee Yaar _e_ Gaar Ka Rutba, Huzoor ﷺ Jaante Hain.

Umar Ne Tan Se Juda Kar Diya Tha Sar Jiska,
Wo Apna Hai Kee Paraya, Huzoor ﷺ Jaante Hain.

Nabi Ka Faisla Na Maan Kar Wo Jaan Se Gaya,
Mizaaj Umar Ka Hai Kaisa, Huzoor ﷺ Jaante Hain.

Wohi Hai Paikar _e_ Sharm _o_ Haya _o_ Zul Nuraian,
Maqaam Unki Haya Ka, Huzoor ﷺ Jaante Hain.

Hain Jiske Moula Huzoor ﷺ Uske Hain Ali Moula,
Abu Turab Ka Rutba, Huzoor ﷺ Jaante Hain.

Ye Khud Shaheed Hain, Bete Nawase Pote Shaheed,
Ali Ki Shaan _e_ Yagana, Huzoor ﷺ Jaante Hain.

Main Unki Baat Karoon Ye Nahin Meri Auqaat,
Ke Shaan _e_ Fatma Zahra, Huzoor ﷺ Jaante Hain.

Jannat Me Kaun Hain Sardaar Nojawanon Ke,
Hasan, Hussain Ke Nana, Huzoor ﷺ Jaante Hain.

Malaika Ne Kiya Yun To Sajda Adam Ko,
Dar Asal Kis Ko Tha Sajda, Huzoor ﷺ Jaante Hain.

Kahan Marenge Abu Jahal _o_ Utba _o_ Sheiba,
Ke Jang _e_ Badr Ka Naqsha, Huzoor ﷺ Jaante Hain.

Wo Kitna Fasla Tha, Aur Kalaam Tha Kaisa,
Aao Adna Aur Ma Aaoha, Huzoor ﷺ Jaante Hain.

Mile The Rah Me 9 Bar Kis Liye Musa,
Ye Deed _e_ Haq Ka Bahana, Huzoor ﷺ Jaante Hain.

Main Chup Khara Hun Mawaja Pe Sar Jhukaye Huye,
Sunaoon Kaise Fasana, Huzoor ﷺ Jaante Hain.

Chhupa Rahe Hain Lagatar Mere Aebon Ko,
Main Kis Qadar Hoon Kameena, Huzoor ﷺ Jaante Hain.

Nahi Hai Zaad _e_ Safar Pass Jin Ghulamon Ke,
Unhen Bhi Dar Pe Bulana, Huzoor ﷺ Jaante Hain.

Haran Ne Oonth Ne Chiryon Ne Ki Yehi Faryaad,
Ke Unke Gham Ka Madawa, Huzoor ﷺ Jaante Hain.

Khuda Hi Jaane UBAID Unko Hai Pata Kya-Kya,
Hame Pata Hai Bas Itna, Huzoor ﷺ Jaante Hain.

🌹Sallallahu Alaihi Wasallam🌹
___________________________________
🖌Post Credit -  Shakir Ali Barelwi Razvi wa Ahliya Mohtarma