GUSL KIN BATON SE FARZ HOTA HAI

Wo 5 Baten Hain Jinki Bina Par Gusl Farz Hota Hai ~

1). Mani Ka Apni Jagah Se Shehwat (Maze) Se Nikalna.

2). Ehtelam Yani Sote Me Mani Ka Nikalna (Night Fall).

3). Sharmgah Me Hashfah Ka Chale Jana Khawah Maze Se Ho Ya Bila Maza, Mani Nikle Ya Na Nikle (Mard Ke Peshab Ke Maqam Ka Agla Hissa Hashfa Kehlata Hai Agar Wo Ki Sharmgah Me Dakhil Ho To Gusl Farz Hua)

4). Aurat Ka Haiz Yani M.C Se Farig Hona.

5). Nifas Yani Bachcha Janne Ke Bad Jo Khoon Aata Hai Usse Farig Hone Ke Baad.

Yahi 👆 wo 5 Baten Hain Jinse Gusl Farz Hota Hai.

Mas'ala: ~
Mani Shehwat Se Apne Maqam Se Juda Na Hui Balki Boojh Uthane Ya Oonchai Se Girne Par Nikli To Gusl Wajib Na Hua Haan Wazoo Toot Gaya.
{Fatawa Alamgeeri, Jild-1, Page-10}

Mas'ala: ~
Khawab Dekha Mani Nikalne Ko Thi Ki Pakad Ke Daba Liya Aur Mani Nikalne Na Dee, Phir Jab Aale Ki Sakhti Khatm Hui Aur Ab Mani Nikle To Gusl Wajib Ho Gaya.
{Fatawa Rizviya, Jild-1, Safah-518}

Mas'ala: ~
Jispe Gusl Farz Ho Use Masjid Me Jana, Tawafe Kaba, Qurane Pak Chhuna Ya Zabani Padhna, Ya Kisi Ayat Ka Likhna Ya Qurani Taviz Ka Likhna Ya Chuna Haram Hai.
{Bahar-E-Shariat, Hissa-2, Page-326}

Mas'ala: ~
Be-Gusli Ko Tafseer Hadees, Fiqah Ki Kitabon Ko Chhuna Makrooh Hai, Pichli Asmani Kitaben Jaise Taurat, Zaboor, Enjeele Muqaddas, Ka Chuna Aur Padhna Bhi Makrooh Hai, Darood Sharif Aur Duayen Kulli Ya Wazu Kar Ke Padh Sakta Hai Aur Azan Ka Jawab Dena Bhi Jayez Hai.
{Fatwa Hindiya, Volume-1, Page-38}

Gusl Ke Bahut Se Masyael Aur Badi Tafsilaat Ke Saath Janne Ke Liye Sarkar Alahazrat Ki Fatawa Rizviya Sharif Aur Sad'rushshriah Ki Bahar-E-shariat Ka Mutala Kare Hum Ne Sirf Zaroori Aur Aasan Masayel Hi Bayan Kiye Hain.

--------------------------------------------------------
📕 HAQ KI BANDAGI
 
Writer- Mufti Sufi Muhammad Kaleem Hanfi Razvi Noori Sahab Qibla